LAKEPORT, CALIFORNIA, MERKA, AP.- E kandela di mondi mas grandi ku a wòrdu registrá na California tabatin mester di apénas 11 dia pa kima un área kasi mesun grandi ku Los Angeles. Esaki ta un di e mayoria susesonan ku posiblemente ta hasi esaki e temporada di mas pió pa e historia di estado.
Mas o ménos 14.000 bombero, algun di sitionan leu manera Florida i New Zealand, ta bataya pa kontrolá e 18 kandelanan meimei di un verano sumamente kalor. E vlamnan di kandela ta keda krese debí na e bientunan fuerte den mondinan nashonal i áreanan rural. E kandela aki ta un menasa pa zonanan urbano i ta kimando vários bario.
“Nos no sa e motibu, pero e kandela aki ta kimando mas intento, muchu mas rápido ku promé”, asina Mark A. Hartwig, presidente di Asosiashon di Hefe di Bombero di California a bisa.
Algun di e kandelanan mas grandi a start den último simannan, na momentu ku e estado a registrá un kalor rèkòrt. E lunanan histórikamente mas pió di e temporada di kandela di mondi mester yega ainda.
E kandelanan tabata kima den áreanan isolá. Pues no tabatin indikashon ni notifikashon di morto òf heridonan grave, ounke 75 kas a wòrdu destruí.
