WASHINGTON, MERKA, AFP.- Un diplomátiko di China a bisa ku e pais ta dispuesto na koperá ku e presidente elekto Joe Biden, atvirtiendo ku mayoria merikano ku ta kritiká China ta ignorando interesnan komun.
E minister di Eksterior Wang Yi a ekspresá su speransa ku lo krea “konfiansa mutuo” entre e dos ekonomianan di mas grandi na mundu despues ku Biden okupá su puesto riba 20 di yanüari.
Wang a bisa ku China ta mirando un oportunidat pa koperá ku Biden riba tres òf kuater punto identifiká komo prioridat inmediato. E Puntonan aki ta COVID-19, rekuperashon ekonómiko i kambio di klima.
