BOGOTA, COLOMBIA. AP.- Gobièrnu kolombiano a deportá djaluna último un kantidat di 33 muhé venezolano ku tabata iregular den e pais pa trata di evitá loke e presidente Juan Manuel Santos kalifiká e invashon nashonal di Venezuela. E muhénan a keda hañá pa polis den e siudat di Barrancabermeja den e departamento di Santander na nort di Bogotá. Despues di a realisá verifikashon korespondiente i a adelantá den proseso atministrativo ku e muhénan tabatin a keda transportá pa e siudat Cucuta kaminda a entregá nan na outoridatnan venezolano. Santos a bisa ku for di 13 ougùstùs gobièrnu nan di Bogotá i Caracas a tuma e desishon di habri frontera pa 381.000 persona por a drenta teritorio kolombiano. Di e total aki 76% a hasié pa motibunan komersial i e 24% ku a sobra tabata pa motibunan di dòkter, estudio i trabou. Despues ku a habri frontera tabatin problema di invashon den diferente munisipio i siudat kaminda venezolanonan ku a bai Colombia no a bai Venezuela bèk. Santos a bisa ku esei ta e problema ku nan lo bai haña nan mes kuné. For di yanüari pa yüli di e aña aki un kantidat di 137.000 venezolano a drenta Colombia. 80% tabata pa turismo. Di e kantidat di 137.000 un total di 122.000 a bai otro pais. E venezolanonan ta hasi tránsito pa Estado Unídos, Panamá òf Costa Rica.
