BOGOTA, COLOMBIA, AFP.- Colombia a anunsiá ku e pais lo prohibí piskamentu di tribon, pa para e komersio aki riba merkado di Asia.
E gobièrnu lo modifiká e regulashon vigente for di 2017, pa restringí “piskamentu di tribon” segun indikashon di e minister di Ambiente, Carlos Eduardo Correa na W Radio.
E presidente Ivan Duque a bisa ku “lo tuma medidanan di kompensashon pa yuda” e komunidatnan ku tabata piska tribon pa bende i konsumo lokal. Segun Correa, ta konsiderando pa kompensá 250 famia den departamento di Guajira i 300 den region Pacifica.
E ambientalista Sandra Bessudo a indiká ku e desishon ta preservá e espesie i tambe protehá salú di konsumidónan di karni di tribon, kual tin “índise haltu di merkurio” den e pais.
