SAN JOS, COSTA RICA, AFP.- E gobièrnu di Costa Rica a deklará un emergensia di estado den vários distrito na nort di e pais pa kontaminashon di awa di bebe ku merkurio, un produkto di mina ilegal den un zona den área.
E estado di emergensia ta duna e gobièrnu akseso na rekursonan di e fondo di emergensia di CNE i prosedimentunan atministrativo nesesario pa drecha e situashon pa e pueblo, segun indikashon di presidente Rodrigo Chavez den un rueda di prensa.
Desde komienso di novèmber 2022 a detektá “un oumento den e nivel di kontaminashon den sistemanan i fuentenan di awa di kranchi, komo konsekuensia di e presensia di merkurio riba e nivel aseptabel, asina e dekreto di emergensia ta señalá.
E zona nort ta invadí pa mineronan artesanal ku ta dediká nan mes na ekstrakshon di oro, hasiendo uso di kímikonan manera merkurio, segun indikashon di ambientalistanan. E kímikonan ku ta usa aki a provoká dañonan grave na e suela i riunan den e zona.
