BRASILIA, BRASIL, AFP.- Presidente Luiz Inacio Lula da Silva a reiterá su proposishon pa Brasil partisipá den un proseso multinashonal di diálogo pa kaba ku e guera entre Moscow i Kiev, durante un yamada di video ku e presidente ukraniano, Volodymyr Zelenky.
Ukrania ta den un guera ku Rusia desde ku presidente Vladimir Putin a duna òrdu pa invadí e pais den febrüari aña pasa.
Lula a reuní ku e presidente di Ukrania via video kaminda el a bolbe afirmá Brasil su deseo pa kombersá ku otro paisnan i partisipá den un inisiativa di diálogo pa yega na pas.
Zelensky a konfirmá e yamada den un tweet, señalando ku ámbos pais a pone énfasis riba e importansia pa defendé e prinsipionan di soberania i integridat teritorial di e paisnan i a papia tokante e “esfuersonan diplomátiko” pa pone fin na e guera.
Lula a hasi un remarke kontroversial aña pasá na momentu ku el a bisa ku Zelensky ta “mesun responsabel” komo Putin den e guera.