BOGOTA, COLOMBIA, AFP.- E presidente di Colombia, Gustavo Petro, a pidi fiskal djaweps pa determiná si su yu i ruman hòmber a ofresé e narkotrafikantenan benefisio relashoná ku polítikanan di pas a kambio di sèn.
“Mirando e opinion públiko di mi ruman hòmber Juan Fernando Petro Urrego i mi yu mas grandi Nicolas Petro Burgos, mi ke pidi fiskal general di e Nashon pa hasi tur investigashon nesesario i determiná ken ta esnan responsabel”, asina e mandatario iskierdista a indiká den un komunikado.
E presidente a bisa ku e ta spera ku su ruman i su yu por demostrá nan inosensia pero ku e lo respetá e konklushonnan di hustisia.
Segun e revista Semana, e kartel di abogado ta kobrando kaponan di droga kasi un mion dòler a kambio di wòrdu inkluí riba e listanan di “atministradornan di pas” ku ta nifiká ku no por ekstraditá nan.
