LA HABANA, AP.- E gobièrnu kubano a kalifiká e reakshon di Merka rondó di un serie di atake misterioso kontra diplomátikonan merikano na La Habana komo “iresponsabel”.
Algun ora despues ku Merka a anunsiá e ekspulshon di 15 diplomátiko kubano, e kansier Bruno Rodriguez a bisa den rueda di prensa ku Cuba ta kumpli ku tur obligashon ku e diplomátikonan.
Apénas djabièrnè, Washington a bisa ku el a emití un alerta di biahe pa e isla na su siudadanonan i a anunsiá ku lo redusí su personal diplomátiko ku 60% den e embahada merikano na La Habana.
Pa e kansier kubano, e akshonnan di gobièrnu di Merka ta “desishonnan unilateral, infundá”.
