WILLIAMSBURG, VIRGINIA, MERKA, AP.- Un dalmentu di 63 vehíkulo riba un outopista prinsipal na Virginia a laga un saldo di vários persona ku “heridanan kritiko” segun informashon di polis.
E sargento Michelle Anaya a bisa den un komunikado ku e aksidente a tuma sosodé alrededor di 7:51 djadumingu i a kousa ku mester a sera e kaya na ámbos direkshon riba Interestatal 64.
Polis a tweet ku tabatin sneu i eis riba e brùg Queens Creek na momentu di e desaster. 35 persona a wòrdu transportá pa haña atenshon médiko i algun di e leshonnan tabata grave i kritiko segun Anaya.
