WASHINGTON, MERKA, AFP.- Departamento di Hustisia di Merka a presentá demanda kontra estado di Texas pa su lei nobo ku ta prohibí aborto despues di seis siman di embaraso.
“E lei aki ta inkonstitushonal”, asina fiskal Merrick Garland a bisa den un konferensia di prensa.
“Departamento di Hustisia tin e obligashon pa defendé Konstitushon di Merka i estado di derechi”, asina el a bisa. El a agregá ku ta obligashon di Departamento di Hustisia pa “defensa konstitushon di Merka i estado i awe nos a kumpli ku e deber aki dor di entablá un demanda”.
E demanda ta surgi despues ku Korte Supremo a ninga di blòkia e lei di aborto di Texas, ganando sinku voto na fabor i kuater kontra.
