TIJUANA, MÉXICO, AP.- Un grupo di profeshonal di salú i studiante di medisina na ámbos banda di frontera ta atendiendo ku nesesidat médiko di e migrantenan ku pidi asilo miéntras nan propio bida tambe ta bai atras.
E voluntarionan ta purba di ofresé servisio ku ningun di e dos gobièrnunan ta duna e hendenan aki. E grupo tambe ta embolbí den un situashon inusual mirando ku mayoria biaha nan mester improvisá dor di e kantidat limitá di ekipo i remedi. Aparte di reseta remedi pa aliviá doló, nan ta purba yuda e migrantenan haña konseho legal tambe i skucha lamento di e pueblo troumatisa pa e kantidat di violensia ku a pusha nan pa bandoná nan propio pais.
