WASHINGTON, AFP.- E ekonomista i hefe di Fondo Monetario Internashonal Gita Gopinath lo bandoná e funshon aki na yanüari awor pa e bai bèk su puesto den e departamento di ekonomia di Universidat di Harvard asina IMF a anunsiá.
Di manera eksepshonal, e universidat di Harvard a duna un aña di pèrmit di ousensia pa e servisio públiko di Gopinath loke a pèrmiti’é hasi e trabou di ekonomista i hefe di IMF durante di tres aña segun un komunikado.
Gpinath ta dirigí e departamento di investigashon di IMF ku ta enkargá ku e informe kada trimèster “Perspektiva di ekonomia mundial WEO” na ingles.
E direktor gerente di IMF Kristilina Georgieva a bisa ku e kontribushon di Gopinath tabata berdaderamente notabel.
“Su impakto den e trabou di IMF tabata enorme”, asina el a agregá den un komunikado.
Gopinath di 49 aña a nase i krese na India promé di kompletá su estudionan na Merka, kaminda el a atkerí siudadano merikano.
El a hasi historia komo e promé muhé ku ta okupá un kargo di ekonomista i hefe di IMF.
