Elekshon na Brasil meimei di turbulensia polítiko

SAO PAULO, AP.- E pueblo brasilero a vota ayera meimei di un elekshon marka pa e malkontentu intenso kontra gobièrnu, despues di vários aña di turbulensia ekonómiko i polítiko. Esaki ta e skandal di korupshon mas grandi den historia di Latinoamérika.

Pero meskos ku mayoria otro kos den e kampaña aki, mayoria di loke mester a sosodé no a wòrdu realisá. E kandidato mas popular, Jair Bolsonaro, tin 27 aña den kongreso. E ta konosí pa su posturanan pro diktadura, su insultonan kontra hende muhé i gaynan i su petishonnan pa reprimí delinkuensia dunando forsanan di seguridat mas poder kompará ku normal.

E segundo kandidato mas popular ta Fernando Haddad, di Partido di Trahadó ku a gana e último kuater elekshonnan presidensial.

Bolsonario a akumulá 36% den enkuesta di Datafolha, 14 punto riba Haddad su resultadonan. E enkuesta a inkluí 19.552 persona entre djabièrnè i djasabra i tin un márgen di eror di 2%. Si ningun kandidato no haña mayoria di e votonan, mester organisá un segundo buèlta dia 28 di òktober.