HAVANA, CUBA, AFP.- E gueria di ELN, kual lo reanudá su operashonnan militar na Colombia riba 1 di mei despues di un tregua di un luna, kier baha intensidat di e konfliktonan apesar ku no a yega na un akuerdo ku gobièrnu, segun indikashon di e hefe di delegashon di diálogo na Havana.
Den un komunikado djaluna, e último gueria rekonosé na Colombia a kritiká e gobièrnu di Ivan Duque dor ku e no a respetá e tregua ku e rebeldenan a introdusí promé ku e emergensia di salú okashoná pa e coronavirus nobo.
Duque a kibra e kombersashonnan di pas ku su antesesor Juan Manuel Santos, sostené ku e gueria, dor ku e grupo a lansa un atake ku outo bòm kontra un akademia polisial ku a laga 22 kadèt morto, inkluyendo e agresor.
