LONDON, AP.- Un asosiashon empresarial britániko a bisa djabièrnè ku e direktornan di kompanianan no ta invertí den personal i teknologia debí na e insertidumbre tokante e kambio polítiko, promé ku e pais bandoná Union Europeo.
Mitar di e 900 direktornan enkuesta a indiká ku e kondishonnan ekonómiko na Gran Bretaña i e status komersial insierto ku UE a afektá su negoshi, segun señalashon di Instituto di Direktor.
Tej Parikh, hefe i ekonomista di e instituto, a bisa ku e naturalesa di Brexit “ta ambiguo” i dor ku tin un reorganisashon di gobièrnu tumando lugá, e empresanan ta duda “den e kresementu di produktividat na Gran Bretaña”.
E kansier Jeremy Hunt i eks alkalde di London, Boris Johnson ta kompitiendo pa remplasá promé minister Theresa May, kende a renunsia komo lider di Partido Konservador i di e pais despues ku Parlamento a rechasá su akuerdo pa Brexit.
