SIUDAT DI MÉXICO, AP.- Funshonarionan federal di México a kulpa oposishon, polisnan korupto i personanan eksterno ku instigashon di un rebuelta di elementonan di Polis Federal, kual ta oponé kontra Vigilante Nashonal, krea resientemente pa e gobièrnu.
Polis federal a sera e sentro di komandá i blòkia tráfiko riba outopistanan durante e di dos dia konsekutivo.
Polis ta manifestando kontra un plan ku ta disolvé forsa polisial i inkorporá Vigilante Nashonal, ku lo mester vigilá frontera sùit i kontrolá inmigrashon i krímen.
“Si Polis Federal tabata un kuerpo adekuá, nos lo no tin e inseguridat ku ta reina aworakí”, segun indikashon di e sekretario di Seguridat Alfonso Durazo.
El a agregá ku niun hende lo no wòrdu retirá ni pèrdè nan prestashonnan. Pero asina mes Polis Federal a sigui manifestá.
México su sifra di asesinato ta esun di mas haltu den por lo ménos 20 aña, ounke e tasa a stabilisá durante e último lunanan.
