BUENOS AIRES, AP.- E eks presidente boliviano Evo Morales a bisa djamars na Argentina ku e lo hasi kampaña pa e kandidato presidensial di Movementu Sosialismo i ku e no ta teme pa drenta Bolivia, kaminda e ta akusá ku terorismo.
Morales a afirmá den su promé rueda di prensa na Buenos Aires ku e realisashon di elekshon dentro di kuater luna mester ta “liber i transparente” afirmando ku por tin posibel kasonan di froude.
E eks mandatario, kende a entregá su solisitut pa biba komo refugiado polítiko na Argentina, a indiká ku “tin hopi lider” den seno di MAS. E intenshon ta pa buska un kandidato pa uni e pueblo i a agregá ku su obligashon ta pa kompañ’é. E eks mandatario ta biba huntu ku su dos yunan, kende a yega Buenos Aires riba 23 di novèmber.
Morales a renunsiá riba 10 di novèmber meimei di protestanan sosial i poniendo preshon pa falta di sosten di forsanan di seguridat. El a buska asilo na México i despues di un estadia kòrtiku na Cuba, el a yega Argentina ku beneplásito di e gobièrnu di presidente perionista Alberto Fernandez.
