HONG KONG, AP.- Diferente famia a manifestá na Hong Kong djasabra pa protestá kontra gobièrnu su forma di disolvé manifestantenan.
Polis ta kumpra e bòternan di gas na China, kousando preokupashon ku e produkto ta kontené gasnan kanseroso. E gobièrnu di e teritorio semi outónomo chines a bisa e siman aki ku no tin prueba kontra riesgo di salú i a ninga di revelá e komposishon kímiko di e produkto.
E elekshon di ayera ta wòrdu konsiderá komo un punto fundamental pa e públiko ku a manifestá den protestanan kada biaha mas violento, kual a paralisá e sentro finansiero desde yüni.
Outoridat a reportá ku e manifestantenan tabata inusualmente trankil e siman aki. E pueblo ansioso pa vota a tuma un pouze pa no afektá e votamentu i kousa ku esaki ta wòrdu posponé. “Nos kier mustra mundu ku nos kousa ta legítimo. Mi no ta kere ku Beijing lo keda sin reakshoná riba Hong Kong su bos”, asina un studiante a bisa.
