WASHINGTON, AP.- E eks asesor di seguridat nashonal Michael Flynn meresé te asta seis luna di kastigu di prisòn, asina e departamento di hustisia a bisa, refiriendo na su posishon anterior ku e tabatin derechi di evitá na tempu un kastigu asina pa su kooperashon ekstenso ku fiskalnan.
E aviso di sentensia di gobièrnu ta un kastigu fuerte na un ekipo legal nobo di Flynn, ku durante lunanan a ataká e investigashon riba Rusia di fiskal spesial Robert Mueller i a akusá e otro fiskalnan di a tene informashon atras ku segun nan tabata na fabor di nan kliente. Un hues a rechasá luna pasá e argumentonan ei.
E fiskalnan ku den un prinsipio a elogiá e kooperashon di Flynn, a bisa awor ku esaki a bèk di su aseptashon di responsabilidat i p’esei e no meresé niun krédito si e no klara i nenga e komunikadonan ei. Nan a pidi hues federal Emmet Sullivan pa imponé un sentensia entre sero pa seis luna.
Flynn mester a keda sentensiá na desèmber 2018 pa a gana FBI riba su kòmbersashonnan ku e tempu ei embahador ruso na Merka, inklusive su petishon na Rusia pa no intensifiká e tenshonnan ku Merka esaki relashoná ku e sanshonnan imponé pa gobièrnu di presidente Batack Obama pa interferensia elektoral.
Sinembargo e oudiensia a wanta direpente mei mei di kaminda despues di e petishon di Flynn despues ku e krítika di Sullivan a lanta e idea di ku e por keda mandá prisòn, ounke e fiskalnan no a rekomendá esaki. Flynn a pidi oudiensia pa wanta pa e por sigui kooperá ku e fiskalnan ku e sperando ei evitá tempu pa e bai prisòn.
E sentensia lo ta dia 28 di yanüari.
