PARIS, AP.- Karikaturistanan, lidernan religioso i funshonarionan a rendi homenahe na 17 persona asesiná pa ekstremistanan islámiko durante un atake den ofisina di e korant satíriko Charlie Hebdo i un supermerkado hudiu na aña 2015.
E atake tabata un di e promé atakenan di Fransia, kual a mantené e pais den alerta máksimo pa violensia terorista desde e dia ei.
Den un silensio solèm, vários a pone flor na entrada di e ofisina di Charlie Hebdo na Paris, kaminda dos ruman franses vinkulá ku e ret di al Qaeda a mata 12 persona.
E konmemorashonnan a kontinuá den merkado kosher Hyper Cacher, kaminda un franses aliado di Estado Islámiko a kaptura vários rehen i mata kuater persona. El a mata un dama polisial tambe.
E atakantenan a muri den un tiroteo ku polis na Fransia.
