MEXICO, AFP.- Venezuela i Cuba tabata e puntonan di choke durante di e kumbre di Celac, ku a tuma lugá djasabra pasá na Mexico, kaminda e presidentenan di Paraguay i Uruguay a kuestioná e legitimidat demokrátiko di nan koleganan Nicolás Maduro i Miguel Diaz Canel.
E frikshonnan den e reunion di komunidat di estadonan latinoamerikano i karibense Celac a kuminsá na momentu ku e mandatario paraguayo Mario Abdo Latina a bisa ku e no ta rekonosé Maduro komo presidente di Venezuela.
“Mi ta bida e presidente di Paraguay, abo pone e fecha, lugá i ora pa un debate riba demokrasia na Paraguay, na Venezuela i Amérika Latina, abo pone, presidente Lecalle, e fecha i lugá”, asina Maduro a kontest’é abiertamente.
Paraguay a kibra relashonnan ku Caracas, despues di rekonosé e opositor Juan Guiadó kende na 2019 a outo-proklamá su mes presidente interino, mei mei di un krísis grave ku a pone miónes di venezolano bandoná e pais.
Di su parti e presidente di Uruguay a bisa ku partisipando den e kumbre no ta nifiká ser komplasiente ku paisnan kaminda no tin un demokrasia pleno.
