GRESIA, AFP.- Un kandela grandi a tuma lugá ayera anochi den e kampamentu di migrantenan di Vathy na e isla griego di Samos, asina un bosero di e kampamentu a indiká.
Algun 300 persona tabata biba den e kampamentu i mester a keda transferí awe djaluna den oranan di mainta pa un kampamentu nobo, será, riba e mesun isla, inougurá djasabra pa e minister griego di Migrashon.
Na momentu ku e kampamentu tabata tur na vlam, e alkanse di Samos Girgos Stantzos a bisa AFP ku ya a saka tur e migrantenan ku tabata biba einan. Hopi di e migrantenan a keda konsentrá den un lugá di stashoná outo djis pegá ku e kampamentu, kaminda por a tende muchanan ta yora, asina periodistanan di AFP a opservá.
Mas òf ménos un aña pasá den e famoso kampamentu di Moria na e isla di Lesbos tambe a surgi un kandela ku a laga sin lugá di keda mas di 13 mil migrante, durante di vários dia.
Na e kampamentu di Vathy a biba 7 mil migrante entre 2015 pa 2016 den kondishonnan prekario.
