PARIS, FRANSIA, AFP.- Airbus su benefisionan den e promé trimèster di aña a tripliká na 1.220 mion dòler, apesar di e impakto di sanshonnan kontra Rusia pa e invashon di Ukrania, segun indikashon di e grupo europeo.
Airbus, meskos ku e sektor aeronóutiko a sufri pa e pandemia di covid-19, pero e empresa ta mirando futuro ku optimismo.
E benefisio di e promé trimèster a wòrdu establesé ku un volúmen di negoshi di 12.000 mion euro, un oumento di 15%. E oumento ta reflehá entreganan di avionnan komersial, segun e grupo a añadí den un komunikado.
Entre yanüari i mart, entreganan di Airbus a yega un total di 142 avion, kompará ku 125 den e mesun periodo di aña pasá.
“Nos previshonnan pa 2022 ta sin kambio, ounke e perfil di riesgo pa sobrá aña ta mas difísil mirando komplehidat di e situashon polítiko mundial i ekonómiko”, segun indikashon di e presidente ehekutivo di Airbus, Guillaume Faury.
