LA PAZ, BOLIVIA, AFP.- E gobièrnu boliviano a kulpa e partido di eks presidente Evo Morales di promové e protestanan ku a inisiá djaweps i kontinuá djabièrnè den dos pueblo di e pais. E manifestantenan a blòkia vários kaminda i saka un ofisina durante tempu di karentena kontra e Coronavirus nobo COVID-19.
E echonan a sosodé den siudat El Alto, bisiña di La Paz, segun vários kanal priva di televishon.
E komandante militar di El Alto, Ivan Orellana a bisa ku e disturbio tabata obra “di esnan ku semper mester buska problema”.
E minister di Interior, Arturo Murillo, a kulpa tur loke a pasa riba e partido di eks presidente Morales.
Murillo a kritiká ku e insidentenan a sosodé miéntras e pais ta pasando dor di un karentena pa kontrolá ekspanshon di e Coronavirus nobo COVID-19, kual te ainda a infektá 1.167 persona i kousa 62 morto.
Tur marcha i aglomerashon ta prohibí den e pais kompleto durante karentena.
E disturbionan na El Alto i Yapacano a wòrdu sigui pa un protesta den pro lo ménos kuater siudat importante, kontra realisashon di e próksimo referèndem den e pais.
