CIUDAD DE PANAMA, PANAMA, AFP.- Gobièrnu i representantenan di sindikatonan i otro organisashonnan a bolbe dialogá ayera pa pone fin a e manifestashonnan i blokeo di rutanan na Panama, ku “proposishonnan konkreto” pa enfrentá kosto haltu di bida i korupshon.
A pidi gobièrnu pa kuminsá ku un diskushon konkreto riba e kontestanan ku “nos ta eksihiendo pa solushoná e nesesidatnan di e pueblo panameño”, segun indikashon di Saul Mendez, sekretario general di e sindikato di konstrukshon Suntracs, un di e promotornan di e protestanan.
Iglesia Katóliko, ku lo sirbi komo mediadó den e kombersashonnan, a informá djárason ku gobièrnu panameño a konfirmá su presensia pa dialogá djaweps. E reunion lo tuma lugá de siudat di Penonome.
E organisashonnan ta pidi pa baha preisnan di produktonan básiko, gasolin i remedi, i elaborá riba futuro di e sistema di salubridat estatal.
Ademas, nan ta eksigí pa gobièrnu tuma medidanan kontra korupshon, mirando ku mayoria funshonario tin salarionan demasiado haltu i pa motibu di desperdisio di rekursonan públiko.
