HONOLULU, AP.- Hawaii a bai kontra di e petishon di un wes di modifiká e sentensia ku a suspendé e restrikshonnan migratorio dekretá pa presidente Donald Trump, afirmando ku e gobièrnu federal no por kambia un sentensia ya emití pa tribunal.
Den dokumentonan presentá djasabra, e estado ta pidi pa duna mas tempu por ehekutá e moshon ku djárason e wes Derrick Watson a duna òf pa emití argumentonan.
E medida ta surgi despues ku e departamento di hustisia a pidi Watson pa e aklará ku e dekreto ta apliká solamente pa personanan di e seis paisnan mayoria di nan musulman, na un suspenshon total di tur refugiado ku ta deseá na drenta Merka.
Watson a yega na e konklushon ku tras di e dekreto di Trump tin un ánimo religioso inakseptabel.
Trump a bisa ku e lo apelá e desishon.
