LONDON, AP.- Polis na sùitost di Inglatera a start ku un investigashon di asesinato despues di a deskubrí 39 kadaver den un trùk di merkansia, posiblemente di Bulgaria, krusando Bèlgika pa yega e pais.
A haña e trùk den Parke Industrial Waterglade, na Grays, un lokalidat serka di riu Tames, 40 kilometer na ost di e sentro di London. Polis no ta konektá e mortonan ku kontrabanda pero e vínkulo no ta evidente tampoko debí na e kondishon di e víktimanan den e trùk.
Outoridat a detené un norirlandes di 25 aña komo sospechoso di asesinato. Ainda e ta detené ounke e no a wòrdu akusá ni identifiká ofisialmente. Polis a yega na e trùk alrededor di 1:40 di mardugá i a wòrdu alerta pa trahadónan di ambulans, pero no ta evidente kon nan a haña sa di e asuntu aki.
E promé minister di Gran Bretaña, Boris Johnson a komprometé su mes na traha estrechamente ku polis di Essex pa determiná kiko a pasa.
E tragedia ta similar na unu di aña 2000, kaminda 58 migrante a muri den un trùk na Dover. Desde e tempu aki a haña gruponan mas chikitu di migrantenan den trùk.
