SIUDAT DI GUATEMALA, GUATEMALA, AFP.- Guatemala ta pidi pa Rusia debolbé a pago pa Sputnik V si Rusia no manda por lo ménos ocho mion vakuna na tempu. E pais ta evaluando e kontrakt pa evitá mas reembolso.
“Si e pais no kumpli ku e reglanan ku nos a establesé, nos lo rekerí Rusia pa debolbé tur rekurso, kual e fondo ruso tabata dispuesto na hasi”, asina e minister di salubridat, Amelia Flores a sigurá den un programa di radio ku Con Criterio.
E minister a informá durante un reunion ku parlamentarionan ku e gobièrnu a manda un karta pa Fondo di Invershon Direktor di Rusia (RDIF), ku ta duna e pais 20 dia pa manda por lo ménos e segundo vakuna pa esnan ku ya a haña e promé den mei.
Guatemala a paga RDIF 79,6 mion dòler pa mitar di un pedido di 16 mion vakuna. Sin embargo, te ainda solamente 150.000 vakuna a yega den tres karga.
E promé entrega a konsistí di 50.000 dósis riba 5 di mei, despues ku outoridat a aplasá e fecha na tres okashon. Segun e ministerio di Salubridat, te ainda solamente 122.712 persona a haña e promé vakuna di Sputnik V.
