MOSCOW, RUSIA, AFP.- E hefe di milisia Wagner, klave den ofensiva militar di Rusia na Ukrania, a akusá e ehérsito regular di Moscow ku bombardeo di su basenan i a pidi e poblashon pa bai kontra e mando militar.
Ehérsito a ninga e akusashonnan aki i a konsiderá nan komo
“provokashon”, mientrastantu servisionan ruso a habri un investigashon kontra e hefe di e grupo di mersenario, Yevgueni Prigozhin.
Prigozhin, konsiderá komo un aliado hopi yegá di e presidente ruso, Vladimir Putin, a gana influensia polítiko i a konfrontá outoridatnan polítiko i militar.
Trupanan ruso a ataka nos basenan di defensa ku misil, asina Prigozhin a deklará den un mensahe di oudio, agregando ku “un kantidat grandi di nos kombatiente a muri”, i ku lo reakshoná riba e atakenan aki.
Ehérsito ruso a desmentí kategorikamente e akusashonnan di atakenan.
Kremlin a indiká ku Putin ta altura di tur e echonan relashoná ku Prigozhin” i ku e ta tumando medidanan nesesario.
Poko despues, servisionan di seguridat ruso (FBS) a anunsiá e apertura di un investigashon kontra e hefe di Wagner pa instigá e pueblo.