RAMBOUILLET, FRANSIA, AFP.- Un tunesino a hinka un funshonario di polis mata djabièrnè na entrada di komisaria di Rambouillet, un lokalidat na sùitwèst di Paris. Agentenan a tira e agresor mata.
“Te ainda” fiskalnan antiterorista no a kuminsá investigá, pero Maneho di Lucha kontra Terorismo ta “hasiendo un evaluashon” segun indikashon di fiskal nashonal antiterorista na AFP.
Promé minister franses Jean Castex, i su minister di interior Gerald Darmanin a anunsiá ku nan ta riba kaminda pa komisaria di e siudat ku ta keda 60 kilometer na sùitost di Paris. “E promé minister i minister di Interior a dirigí pa e sitio di e insidente pa eksaminá e situashon”, segun indikashon di e gobièrnu den un komunikado.
E atake a tuma lugá na entrada di e sentral di polis di e siudat ku 26.000 habitante alrededor di 20 pasa d 2 di mèrdia, segun indikashon di fuentenan polisial na AFP. Segun investigashon inisial, e funshonario di 49 aña a haña 3 hinká den su garganta na momentu ku el a regresá bèk for di su ‘break’. E víktima su kurason a para i el a fayesé algun ora despues.
