MONTGOMERY, ALABAMA, MERKA, AP.- Un hues federal a blòkia un lei di Alabama ku ta prohibí aborto i ku lo a kombertí e prosedimentu den un delito grave sin importá e etapa di embaraso den i sin ekskluí ningun kaso.
E hues federal di distrito, Myron Thompson a emití e òrdu temporal evitando e implementashon di e lei ku ta stipulá sentensia di entre 10 aña di prizòn i bida largu pa esnan ku realisá un aborto, sin eksepshon pa violashon òf insesto.
Legisladornan di Alabama a aprobá e medida e aña aki. E proveedornan di aborto a presentá un demanda pa evitá ku e lei ta drenta na vigor.
Randall Marshall, direktor ehekutivo di Union Merikano pa Libertat Sivil, a bisa ku e desishon tabata unu di spera.
E lei lo a kuminsá rigi otro luna i ta e medida mas fuerte di tur lei ku a wòrdu aprobá kontra aborto e aña aki den diferente estado. Sektornan konservador kier deroga e Roe vs. Wade, e lei di 1973 ku a legalisá aborto den e pais kompleto.
