WASHINGTON, MERKA, AFP.- Un estudio realisá den hospitalnan na New York no a haña prueba di daño ni benefisio pa uso di e remedi kontra malaria pa trata pashèntnan di coronavirus ku mester di kuido intensivo.
“E riesgo di morto no tabata signifikantemente mas hopi òf ménos entre e pashèntnan ku a haña e remedi kompará ku esnan ku no a haña esaki”, segun indikashon di outornan di e estudio.
E investigashon a wòrdu publiká djaweps pa The New England Journal òf Medicine. E revelashon aki no mester sirbi pa deskartá e benefisio ni daño di e tratamentu ku remedi kontra malaria, segun e investigashon a aklará.
Presidente merikano Donald Trump a promoshoná uso di e remedi aki pa trata pashèntnan kontra e coronavirus nobo COVID-19.