LONDON, AP.- E promé minister britániko, Boris Johnson a indiká ku e lo no suavisá su posishon pa ku Brexit awor ku e tin mayoria den parlamento. El a purba deskartá kualkier plaso di e fecha límite pa sera un akuerdo komersial ku Union Europeo.
E gobièrnu lo inkluí un klóusula den su Lei di Akuerdo di Salida pa deskartá ku ta amplia e periodo di negosiashon ku UE durante e aña binidero. Esaki ta suponé ku e salida di Gran Bretaña lo konsuma sin akuerdo na komienso di 2021, un perspektiva preokupante pa mayoria empresa britániko.
Despues ku a anunsiá e plannan, libra e kai ku 1%, bou di 1,32 dòler.
E legisladornan britániko a reuní djamars pa promé biaha desde elekshon general di siman pasá.
E medida ta apliká un akuerdo di separashon logra entre Gran Bretaña i UE. Segun términonan, Gran Bretaña lo bandoná e bloke di 28 nashon riba 31 di yanüari i lo drenta den un periodo di transishon te na final di 2020 miéntras ta negoshá un akuerdo komersial nobo. Durante e periodo di transishon, Gran Bretaña lo kontinuá komo miembro di UE, ounke sin akuerdo di voto.
