JOHANNESBURG, AP.- E restunan di 52 persona a wòrdu hañá despues ku 130 migrante a disparsé na kosta di Yibuti, na momentu ku dos boto a senk den awa turbulento, segun informashon di e agensia di Nashon Uní ku ta na enkargo di migrashon.
16 sobrebibiente a wòrdu reskatá dilanti kosta di e nashon na ost di Afrika. Ola haltu a kousa ku e botonan a bòltu, segun testigunan a bisa.
E biahe ta unu peligroso. Den mayoria kaso, e trafikantenan ta bandoná e migrantenan promé ku e boto yega su destino.
“E evento trágiko aki ta mustra e riesgonan ku e migrantenan vulnerabel ta sufri di dje den su búskeda pa un mihó futuro”.
