CARACAS, AP.- Oposishon a sali riba kayanan di Venezuela, pa partisipá riba un dia nobo ku manifestashon rònt e pais, pa eksihí retiro di Nicolás Maduro. E último simannan tabatin un oumento den e tenshon entre e paisnan, ku Tribunal Supremo di Hustisia aprobando un investigashon kontra e lider opositor Juan Guaidó.
Segun oposishon tabatin protesta den e pais kompleto. Ademas di Maduro su retiro, e manifestantenan ta eksihí pa permití yudansa humanitario, pa Forsa Arma sigui reglanan di konstitushon i yuda restourá òrdu demokrátiko.
Maduro ta persistí ku e elekshon no tabata froudulento i ta akusá Merka di organisá un golpe di Estado pa respaldá Guaidó i ta kritiká e pais pa keda pone sanshon kontra PdVSA.
Máksimo tribunal a prohibí Guaidó pa sali di e pais i a kongelá e kuentanan di banko di e lider konforme petishon di Fiskal General. Fiskal a kuminsá ku un investigashon preliminar kontra dje, pa echonan violento desde 22 di yanüari.
