STECCATO, ITALIA, AFP.- Den un gimnasio di Crotona, na sùit di Italia tabatin 5 kaha di morto chikí i blanku entre 64 nan ku a yega i ku ta pertenesé na víktimanan di noufragio di migrante ku a sosodé djadumingu dilanti di kosta.
E balanse di e tragedia ku a sosodé dilanti di Crotona ainda por bira pió, asina un bosero a bisa na AFP ya ku bomberonan ta sigui buska eventual víktimanan den laman òf na kosta di Calabria.
Segun e agensia oropeo di vigilansia di frontera, Frontex, ku tabata e promé ku a detektá e barku djasabra anochi, algun 200 persona tabata na bordo di e embarkashon ku a sali di Esmirna Turkia. Wardakostanan italiano ya a haña 150 pasahero.
Solamente 79 persona di Afganistan, Pakistan, Somalia i Siria a sobrebibí e noufragio ku a sosodé djadumingu den oranan tempran den un laman basta brutu.
E kahanan di morto di e víktimanan, dekorá ku flor a keda poné na PaliMilone, un kompleho deportivo na Crotona, un munisipio di 60 mil habitante. Algun periodista a keda permití pa drenta i filma i saka potrèt pero e kapia ainda no a keda habrí pa públiko.
