WASHINGTON, AP. – Kámara di Representante di Merka a aprobá un proposishon di lei ku ta suspendé e transferensia di prizoneronan den sentronan di detenshon den e Base Naval di Guatanamo temporalmente.
E inisiativa, aprobá ku un voto di 244-174, lo prohibí ku e gobièrnu federal ta gasta sèn den kualkier transferensia di prizonero den e base, inkluyendo esnan ku ta bishita un pais den estranhero. E prohibishon lo dura te fin di aña òf te ora tin un proposishon ku ta outorisá e gastunan di defensa komo lei.
Kas Blanku no ta di akuerdo ku e legislashon, kual lo no duna e posibilidat pa esaki bira lei. Sin embargo, e proposishon ta representá un oportunidat pa republikanonan ekspresá di opinion públikamente ku e demókratanan tokante e tema algun siman promé ku elekshon di 8 di novèmber i usa su voto kontra nan den kampaña.
Presidensia di Barack Obama ta argumentá ku e detenshonnan na Guantanamo ta debilitá seguridat nashonal dor di usa rekursonan di e pais. Mas o ménos 60 prizonero ta keda einan, i un sentenar tabata keda den añanan anterior. E gobièrnu ta bisa ku e transferenshanan ta wòrdu realisá solamente despues di evaluashonnan riguroso.
E partidarionan di e proyekto di lei ta bisa ku e transferensianan por sòru ku algun di esnan detené ta bolbe kai bek den terorismo.
Segun un informe publiká djarason pa ofisina di Direktor di Inteligensia Nashonal, 122 di 693 persona detené transferí di prison, 17,6% ta bolbe kombatí.
E demokratnan ta bisa ku legislashon lo kita Obama su outoridat legal riba e prison.
