BERLIN, AP.- Un kandela den un zoológiko na wèst di Alemania kual a sosodé den e promé minütnan di 2020 a mata mas di 30 animal, entre nan algun makaku, raton di anochi i paranan, segun informashon di outoridat djárason. E vürwèrk pa selebrá Aña Nobo por a kousa e kandela aki, segun indikashon di polis.
Polis i bomberonan mester a akudí na e sitio den kareda di mitar di un riba Aña Nobo. E zoológiko, serka di frontera ku Ulanda a bisa ku e refugio di e makakunan a sende na kandela i mas di 30 animal a muri, inkluyendo sinku orangutan, dos gorila, un chimpansé i diferente makaku.
Bomberonan a logra reskatá solamente dos chimpansé di e kandela, kual a sufri kemadura fuerte pero den kondishon stabil, segun informashon di e direktor Wolfgang Dressen.
