PARADISE, CALIFORNIA, MERKA, AP.- Un kandela enorme ku a mata vários persona i destruí míles di kasnan na nort si California a wòrdu kontené.
Departamento di Mondi i Protekshon kontra Kandela na California a bisa djadumingu ku e kandela a wòrdu kontrolá pa bomberonan despues di vários dia di áwaseru.
Ekiponan di reskate a sigui retirá lodo i ruina, den un intento pa haña mas restu humano den i alrededor di e pueblo di Paradise.
E kandela di mondi mas mortal den un siglo a laga por lo ménos 85 persona morto i 249 riba e lista di personanan pèrdí.
E kandela a kuminsá riba 8 di novèmber i a ekstendé rápidamente a lo largo di 620 kilometer kuadrat di mondi.
Kasi 19.000 struktura, den su mayoria kasnan, a wòrdu kima.