MONTPELLIER, FRANSIA, AFP.- Kasi 500 bombero a lucha djamars pa kontrolá un kandela nobo na sùit di Fransia, ku a kima alrededor di 500 hèktar di mondi i biña i obligá evakuashon di un pueblo segun indikashon di funshonarionan lokal.
Tur esnan ku ta biba serka di Aumelas, 20 kilometer na wèst di Montpellier mester a bandoná nan kas pa motibu di e kandela.
“Un total di 500 bombero a keda desplegá”, sostené pa avionnan ku tambe a yuda paga e kandelanan, segun indikashon di outoridatnan lokal den un komunikado.
E region, ku ya a wòrdu afektá pa un otro kandela siman pasa ta na riesgo “haltu” i “hopi haltu” di kandela dor di vários luna di sekura i temperatura haltu.
Alrededor di 2.000 bombero a keda mobilisá durante e último dianan ku a pasa pa kontrolá dos kandela enorme di Burdeo, na sùitwèst, ku a destruí mas ku 20.000 hèktar di mondi.
