WASHINGTON, MERKA, AFP.- Merka a manda pa Ukrania 275 mion dòler den material militar pa reforsá su defensa enpartikular kontra e avionnan no tripulá, asina e bosero di Kas Blanku a deklará.
Pronto lo manda un pakete nobo di yudansa militar na balor di 275 mion dòler pa Ukrania por kapasitá su mes pa reforsá su defensa aéreo i enfrentá e menasanan di e dronnan”, asina John Kirby bosero di Konseho di Seguridat Nashonal di Merka a bisa.
Vladimir Putin a bisa ku su ehérsito lo kontinuá ku atakenan kontra e infrastrukturanan energétiko ukraniano, esaki komo represaya pa e atentadonan ku Mòsku a risibí na Kiev i enpartikular kontra e brùg di Kremlin parsialmente destruí na kuminsamentu di òktober pa un trùk ku bòm.
Ku e pakete nobo aki, e yudansa total di Merka na Ukrania ta superá 19.300 mion dòler for di momentu ku e invashon a kuminsá.
