RIO DE JANEIRO, AP.- Un korte brasilero a bisa djamars ku a aseptá Odebrecht su solisitut pa deklará bankrut i risibí protekshon federal, miéntras e kompania ta restrukturá su debenan.
E Tribunal a bisa atraves di su wèpsait ku e empresa mester presentá un plan pa e restrukturashon di su debe dentro di un periodo di 60 dia.
Odebrecht a anunsiá djaluna ku e kompania kier haña protekshon federal pa restrukturá su debe di 13.000 mion dòler, e debe mas haltu den historia di Brasil
E empresa ta den sentro di un di e investigashonnan di korupshon mas grandi na mundu “Lava Jato”. Esaki a eksponé un operashon enorme di soborno entre polítikonan brasilero i empresanan di konstrukshon.
