ASUNCION, AP.- Diferente kampesino paraguayo a protestá djamars kontra gobièrnu dor ku e no kier paga nan debe ku bankonan privá. E kampesinonan a kumpra un kantidat di motersaikel i produktonan eléktriko kual ta kontribuí na nan bienestar.
E trahadónan rural a manifestá riba kareteranan di Paraguay i a generá un gran desòrdu den tráfiko.
“E gobièrnu a komprometé pa resolvé nos problemanan: nos mester likidá 40 mion dòler di debe ku bankonan priva”, asina e lider di Koordinado Nashonal Intersektorial, Jorge Galeano a bisa. el a agregá ku no tabatin sufisiente produkshon dor ku e klima no a koperá.
Galeano a atvertí ku e kampesinonan lo sigui protestá riba kaya i plasa di Asuncion te djabièrnè, sperando riba un solushon di gobièrnu. Si esaki no sosodé e kampesinonan lo tuma otro medidanan, pero e no a spesifiká di kiko esaki lo konsistí.
