LONDON, AP.- Kámara di Komun a respaldá e fecha pa elekshon, kual por pone fin na e impase polítiko den e pais, provoká pa Brexit.
Promé Minister Boris Johnson ta spera ku e skohensia di senadornan nobo ta duna su partido Konservador, mayoria a permití pa kibra e punto morto ku a paralisá e separashon di Reino Uní for di Union Europeo. UE a aplasá Brexit ku tres luna mas.
Kámara di Komun a aprobá un proposishon di lei ku ta outorisá elekshon pa tuma lugá riba 12 di desèmber. E kámara a aprobá e medida ku 428 vota na fabor i 20 kontra. E lo kombertí den lei, despues ku e wòrdu aprobá pa Kámara di Lores, kual no tin poder pa anulá e votamentu di Kámara di Komun.
Johnson ta pensa ku elekshon nobo lo duna e konservadornan mayoria, pero despues di tres aña di disputa polítiko pa Brexit, e votadónan a kana i e resultado di elekshon ta difísil pa pronostiká.
