BRISBANE, OUSTRALIA, AFP.- E muchanan ku no ta bayendo skol i adultonan ku ta pasa mas tantu tempu na kas i riba internèt durante e pandemia di Corona vírus a kousa un oumento den kasonan di abusu seksual di mucha rònt mundu, segun indikashon di aktivistanan i polisnan.
Krímen na frontera a subi pa motibu ku e kriminalnan aki ta probechando di e lockdown pa yega na e muchanan, sea personal òf via medionan sosial, wèpsait di ‘gaming’ òf riba ‘dark web’.
Polis federal a risibí mas di 21.000 notifikashon di abusu seksual di mucha den e 12 lunanan te ku 30 di yüni, kual ta un oumento di mas di 7.000 kaso kompará ku añanan anterior. E investigadónan a registrá un oumento di 136% di material pa eksplotá muchanan seksualmente.
E inspektor di polis federal di Oustralia, Paula Hudson a bisa ku “algun di e wèpsaitnan aki a asta ‘crash’ pa motibu di tráfiko haltu riba nan”.
