JARTUM, SUDAN, AFP.- Míles di manifestante a reuní kontra di e mishon di Nashonnan Uní na Jartum pa pidi pa saka e representante di ONU Volker Perthes, segun un periodista di AFP na e lugá.
“Volker bo ta un aleman, e solushon ta bin di Sudan”, asina a manifestantenan tabata grita. Kantidat di simpatisadó di gruponan islamita a asistí den e manifestashon. E konseho di seguridat di ONU ta studia e posibilidat di prolongá nan mishon na Sudan mas leu ku nan mandato ku ta di 3 di yüni.
E representante den ONU ta traha pa solushoná e krísis polítiko profundo ku ta asotá Sudan for di e gòlpi di estado di hefe di ehérsito general Abdel Fattah na Burhan na òktober 2021. Nashonnan Uní i Union Afrikano ku a suspendé Sudan, ta boga pa un diálogo entre tur e forsanan polítiko òf e pais lo hundi definitivamente den e plano ekonómiko i di seguridat.
E militarnan a pidi na diferente okashon pa ekspulsá Volker Perthes. E siman aki e lider islamita Mohamed Ali al Jazuli a akus’é di no ta atendé di forma korekto asuntunan sudanes durante un seminario titulá “e impakto negativo di emishon di ONY den e diálogo nashonal na Sudan”.
