MARSEILLE, FRANSIA, AFP.- Tres organisashon no gubernamental a reskatá mas di 400 migrante riba un boto di palu den Mediteráneo djasabra anochi. Esaki ta suma 600 migrante reskatá fin di siman, segun indikashon di SOS Mediterranée.
“E reskate tabata peligroso. E boto di palu ku 400 migrante ariba tabata yenando ku awa”, segun indikashon di bosero di e organisashon no gubernamental SOS Mediterranée.
A reskatá e migrantenan usando tres diferente boto di: ResQship, Sea-Watch i Ocean Viking. E labornan di reskate a kontinuá te mainta.
Esaki ta e di sinku operashon di reskate di “Ocean Viking” desde djasabra. e boto tin 449 persona reskatá na bordo. Esaki ta inkluí 28 muhé, dos di nan na estado i 81 menor di edat di kual 66 ta sin kompaño.
Segun Organisashon Internashonal pa Migrashon (OIM), por lo ménos 1.146 hende a muri riba laman entre e promé semèster di 2021.
