WASHINGTON, AP.- FBI a pone e mehikano Robert Francis Van Wisse di 51 aña riba lista di e 10 nan mas buská. Robert ta keda akusá di a violá i strangulá un empleado di e universidat di Texas kaminda e tabata studia na 1983. Kuerpo polisial ta ofresé un rekompensa di 100.000 dòler pa e tep ku por duna paradero di Robert. Robert a kometé e akto aki for di tempu ku e tabatin 19 aña i el a invadí hustisia for di 20 aña pasá. Ta akusá Robert na 1997 di a abordá un buelo ilegalmente pa evadí di hustisia. Famia di Robert kende ta dominá tantu ingles komo spañó tin masha hopi propiedat na México i Guatemala. Robert a keda señalá na vários pista manera New York, Washington D.C., Texas i na México kaminda e ta fungi komo maestro di Ingles. Tambe ta sospechá ku Robert ta usa diferente nòmber manera Fransisco Salas, Roberto Francisco Salas, Robert F. Vanwisse, Robert Wisse, Robert F. Van Wisse, Robert Francis Van Wisse, Robert Francis Vanwise i Robert Vanwisse. Fidel Urbina tambe ta un mehikano ku ta riba e lista di esnan mas buska. Fidel a violá dos muhé den 1998 na Chicago di kual un di nan tabata morto den un outo kimá. Eduardo Ravelo tambe ta mas mehikano ku ta wòrdu buská pa asesinato di Vicente Carillo Fuentes kende tabata e lider di ‘gang’ Barrio Azteca i Alexis Flores e hondureño ku a sekuestrá i asesiná un mucha muhé di 5 aña na Filadelfia na aña 2000. Luis Macedo kende ta integrante di ‘gang’ Latin King di Chicago ta keda akusá di a asesiná un mucha hòmber di 15 aña. E kurpa di e mucha hòmber aki a keda hañá kimá. Por último Victor Manuel Gerena ku a keda akusá di a asaltá un trùk blindá na 1983 i a hòrtá un kantidat di 7 mion dòler.
