BOSTON, AP.- Merka a rekordá bida i legasia di John F. Kennedy djaluna, e dia ku el a kumpli 100 aña. Kennedy tabata presidente for di yanüari di 1961 te na momentu di su asesinato na Dallas dia 22 di novèmber 1963, na momentu ku e tabatin 46 aña di edat.
Servisio di Post a konmemorá e fecha ku e dedikashon di un postzegel den Brookluine, suburbio di Boston kaminda e presidente a nase dia 29 di mei 1917.
Joe Kennedy III, un subrino nietu di Kennedy, mester a duna un diskurso prinsipal durante e seremonia den Parke Nashonal djaluna atardi. E representante demókrata a bisa na The Associated Press e luna aki ku mayoria di su koleganan na Washington a bisa di a wòrdu inspirá pa dediká na servisio públiko pa motibu di Kennedy.
E biblioteka presidensial i Museo John F. Kennedy na Boston lo selebrá ku un fiesta di kumpleaño ku ta inkluí avionnan Militar i un bolo.
E museo a inougurá un eksposishon nobo ku 100 opheto, dokumento i potrèt di e bida i karera di Kennedy. Tabatin vários evento ku a wòrdu realisá pa honrá legasia di e defuntu presidente.
