KABUL, AP.- Un representante merikano i Taliban a reanudá nan negosiashonnan pa pone fin na e guera merikano ku a dura mas largu te ainda.
Un miembro di Taliban familiar ku e negosiashonnan ku ta wòrdu realisá na Qatar, pero ku no ta forma parti di e kombersashon, a informá ku e representante merikano Zalmay Khalilzad a tene un reunion i personal ku e negoshadó prinsipal di Taliban, Abdul Ghani Baradar.
E integrante di Taliban a papia ku kondishon pa keda anónimo dor ku e no ta outorisá pa duna informashon na medionan di komunikashon.
Baradar ta un di e fundadónan di Taliban i kisas e influensia mas grandi entre basenan di e grupo rebelde. Algun persona na Afganistan ta teme ku sierto kombatiente di Taliban ku rechasá e akuerdo ku Merka por uni otro gruponan manera Estado Islámiko. E grupo a ehekutá un atake suisidio kontra un kasamentu na Kabul fin di siman, kual a laga 80 morto.
Merka i Taliban a tene diferente ròndu di negosiashon e último aña ku a pasa. No ta evidente na ki momentu e akuerdo lo wòrdu lográ, despues ku Merka i Taliban a afirmá na komienso di e luna aki ku ámbos pais ta yegando na un resolushon.
